Shalom wapendwa!!
USCF-SAUT Mwanza, tunapenda kukutafakarisha mambo machache wakati tunaelekea
tarehe 25/10/2015 siku ya kupiga kura kumchugua lango wa taifa la Tanzania
yaani Raisi pamoja na wabunge na madiwani.
Hatima ya Taifa/mwanadamu
imefungwa katika nyakati na Majira usipotambuwa wakati na majira ya Mungu juu
ya Taifa lako hilo ni tatizo Tunapozungumza kwa habari ya nyakati na majira
tuna maana hii; Majira: Ni vipindi mbalimbali ndani ya wakati ulioamriwa; mfano
masika, kipupwe, kiangazi, n.k Nyakati: Ni vipindi kulingana na matukio ya
makusudi; mfano asubuhi, jioni, nyakati za mwisho, nyakati za utandawazi,
wakati wa kupanda, kuvuna, n.k Ni muhimu sana kufanya kila jambo kwa wakati na
majira yake, mfano kupanda wakati wa kupanda, kuvuna wakati wa kuvuna, n.k Siku
zote ukifanya jambo nje ya wakati wake utaonekana kituko, na matokeo yake ni
kutokufanikiwa. Kila jambo huonekana la busara mbele ya wenye hekima
likifanyika ndani ya wakati wake, kwa lugha nyingine, "Everything is right
at right time". Maana yake ni kwamba ukifanya jambo nje ya wakati hata
kama jambo hilo ni jema, litabadilika kuwa baya. Wakati una 'impact' kubwa sana
katika jambo lolote.
Kama ni mwombaji au mdadisi wa mambo muhimu katika taifa letu la
Tanzania naamini kabisa unajua ni majira na nyakati gani taifa letu la Tanzania
linapitia…. hasa katika mchakato wa uchaguzi mkuu wa mwaka huu na majira haya
tuliopo yanamwitaji kiongozi wa aina gani? Hatuwezi kushindana na majira na
nyakati ila sisi binadamu ndio tunapaswa kufuata majira na nyakati. mfano kama
leo kuna mvua huwezi kukataa na kusema kuna jua hivyo ukavaa kama unavyovaa
wakati jua ni kali.........wewe ndo utaendana na mvua na sio mvua itaendana na
wewe. mfano kama ni wakati wa kutokuwa na mabadiliko huwezi kulazimisha
mabadiliko......na kama ni wakati wa mabadiliko huwezi kuzuia mabadiliko na
kama utaenda kinyume na majira na nyakati uwe tayari na yatakayo tokea.
Tambua majira na wakati
ambayo taifa letu lipo.
Tambua kiongozi ambaye
kwasasa is right at right time.
Ukifanya jambo nje ya
wakati......?
Jitahidi tarehe 25 .10.
2015 Jumapili hii mapema sana asubuhi Ukapige kura . Mungu akuongoze.
Joel Elphas.
